Get real time updates directly on you device, subscribe now.
ମୁମ୍ବାଇ: ୨୦୨୨ ମସିହାରେ ମୁମ୍ବାଇରେ ବିଏମସି (BMC) (ବ୍ରିହାନ ମୁମ୍ବାଇ ମ୍ୟୁନିସିପାଲିଟି କର୍ପୋରେସନ୍)ର (Mayor Election) ନିର୍ବାଚନ ଅନୁଷ୍ଠିତ ହେବ। ଯଦିଓ ନିର୍ବାଚନକୁ ଏବେ ବହୁତ ସମୟ ବାକି ଅଛି, କିନ୍ତୁ କଂଗ୍ରେସ (Congress) ନିର୍ବାଚନ ପାଇଁ ରଣନୀତି ପ୍ରସ୍ତୁତ ଶେଷ କରିସାରିଲାଣି। ଯେତେବେଳେ କଂଗ୍ରେସର ରଣନୀତି ରିପୋର୍ଟ ସୋସିଆଲ ମିଡିଆରେ ଲିକ ହୋଇ ଭାଇରାଲ ହୋଇଥିଲା, ସେତେବେଳେ ଅନେକ ଚାଞ୍ଚଲ୍ୟକର ତଥ୍ୟ ସାମ୍ନାକୁ ଆସିଥିଲା। ଏହି ରିପୋର୍ଟ ଅନୁଯାୟୀ, ଏଥର କଂଗ୍ରେସ (Congress) ମେୟର (Mayor) ପଦ ପାଇଁ ବହୁ କଳାକାର ତଥା ଲୋକପ୍ରିୟ ଅଭିନେତା, ମଡେଲଙ୍କୁ ପ୍ରସ୍ତୁତ କରୁଥିବା ଜଣାପଡ଼ିଛି ।
ଗଣମାଧ୍ୟମରେ ପ୍ରକାଶିତ ଖବର ଅନୁଯାୟୀ, ଦଳ ରିତେଶ ଦେଶମୁଖ (Ritesh Deshmukh), ସୋନୁ ସୁଦ (Sonu Sood) ଏବଂ ମିଲିନ୍ଦ ସୋମନ (Milind Somen)ଙ୍କ ଭଳି ମଡେଲ-ଅଭିନେତାଙ୍କୁ ମେୟର ପ୍ରାର୍ଥୀ ଭାବରେ ଘୋଷଣା କରିବା ଉଚିତ। ଏହି ୨୫ ପୃଷ୍ଠାର ନିର୍ବାଚନ ରଣନୀତି ଡକ୍ୟୁମେଣ୍ଟ ମୁମ୍ବାଇ କଂଗ୍ରେସ ସଚିବ ଗଣେଶ ଯାଦବଙ୍କ ଦ୍ୱାରା ପ୍ରସ୍ତୁତ କରାଯାଇଛି। ବର୍ତ୍ତମାନ ଏହି ଡକ୍ୟୁମେଣ୍ଟଗୁଡିକ ଦଳର ବରିଷ୍ଠ ନେତା ତଥା ଏଆଇସିସି (ଅଲ୍ ଇଣ୍ଡିଆ କଂଗ୍ରେସ କମିଟି) ସଚିବ ଏଚ୍.କେ ପାଟିଲଙ୍କ ନିକଟକୁ ପଠାଯିବ ।
କଂଗ୍ରେସର ଏହି ଦସ୍ତାବିଜରେରେ ଯେଉଁ ତିନି ତାରକାଙ୍କ ନାମ ଉଲ୍ଲେଖ କରାଯାଇଛି, ସେହି ତିନି ତାରକା ଏପର୍ଯ୍ୟନ୍ତ କଂଗ୍ରେସର ସଦସ୍ୟ ନୁହଁନ୍ତି। କିନ୍ତୁ ଜନସାଧାରଣ ଏବଂ ବିଶେଷକରି ଯୁବକମାନଙ୍କ ମଧ୍ୟରେ ବହୁତ ଲୋକପ୍ରିୟ । ଗତ ବର୍ଷ କରୋନା ଲହର ଏବଂ ଚଳିତ ବର୍ଷ ଦ୍ୱିତୀୟ ତରଙ୍ଗରେ ଅନେକ ଲୋକଙ୍କୁ ସାହାଯ୍ୟ କରି ସୋନୁ ସୁଦ ଜନସାଧାରଣଙ୍କ ହୃଦୟରେ ଏକ ଭିନ୍ନ ସ୍ଥାନ ସୃଷ୍ଟି କରିଛନ୍ତି । ମିଲିନ୍ଦ ସୋମନ୍ ବର୍ଷ ବର୍ଷ ଧରି ଏକ ଯୁବକଙ୍କ ପାଇଁ ଏକ ଆଇକନ୍ ରହିଆସିଛନ୍ତି ଏବଂ ଆଜି ମଧ୍ୟ ଏହି ଲୋକପ୍ରିୟତା ବଜାୟ ରଖିଛନ୍ତି । ରିତେଶ ଦେଶମୁଖ ନିଜକୁ ରାଜନୀତିଠାରୁ ଦୁରେଇ ରଖିଛନ୍ତି। କିନ୍ତୁ ସେ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଭିଳାସ ରାଓ ଦେଶମୁଖଙ୍କ ପୁଅ ବୋଲି ସମସ୍ତେ ଜାଣନ୍ତି।
